Langar þig að hlúa að heilsunni með aldagömlum aðferður Taiji og Qigong ?

Læra rútínu sem að þú getur gert heima hjá þér eða úti í náttúrunni.

Læra hugleiðsluaðferð sem byggir á hreyfingu ?

Á þessu námskeiði verður farið í grunnatriði í Taiji og Qigong og unnið er með líkamsvitund í gegnum Taiji og Qigong iðkun.

Unnið verður með Chen Taiji 19 skrefa form og Reeling silk æfingar sem Grand master Chen Xiaowang hefur þróað til að auðvelda nálgun fólks á Taiji hreyfingakerfinu. Einnig verður unnið með æfingar úr Qigong sem byggja upp tengingu við orku líkamans. Lögð er áhersla á iðkun núvitundar í standandi Qigong stöðum og Taiji hreyfingum.

Taiji og Qigong er aldagömul kínversk hreyfilist og meðvituð vinna með orku líkamans sem byggir á Taoisma og lögmálum Yin og Yang um það hvernig öll orka er í stanslausu flæði.

Taiji og Qigong iðkun er áhrifrík og aðgengilega iðkun með áherslu á að opna fyrir orkuflæði líkamans

TAIJI og QIGONG

• eykur orkuflæði

• gefur næma líkamsvitund

• nærir líffærin

• styrkir stoðkerfið

• gefur innri ró

• skapar jafnvægi

• samþættir huga, hjarta og líkama

• eflir einbeitingu

• jarðtengir

Iðkunin tengir saman orku náttúrunnar og orku líkamans sem gefur djúpa innri ró og hluttekningu í lífinu.

Ólafur Guðmundsson er yogakennari, leikari og leiklistarkennari. Hann er með MA gráðu í Applied Drama from Lundúnaháskóla og hefur síðan 2003 unnið sem leiklistarkennari í fullu starfi í grunnskólum, framhaldsskólum og verið með sjálfstæð námskeið í leiklist og sjálfstyrkingu. Hann lauk yogakennaranámi frá Yogavin í mars 2020 og hefur kennt yoga hjá Yogavin síðan. Ólafur fór á sitt fyrsta yoganámskeið hjá Kripalu yoga center árið 1993 og hefur stundað yoga með hléum síðan. Hann hefur einnig stundað Taiji reglulega síðan 1999 og hefur sótt fjölda námskeiða í taiji og núvitund í gegnum árin, einkum hjá Kinthissa og master Chen Xiaowang. Undanfarin tvö ár hefur hann kynnt sér og lagt stund á Zhineng Qigong sem er Qigong æfingakerfi sem þróað var af Dr. Pang Ming, kínverskum Qigong meistara. Ólafur hefur einnig stundað hugleiðslu reglulega síðan 2010 og hefur sótt kyrrðarvökur hér á landi og á Holy Isle í Skotlandi. Ólafur leggur áherslu á jarðtengingu og núvitund í sinni iðkun og kennslu. Í sinni taiji kennslu kennir hann Chen taiji form og grunnæfingar sem byggja upp færni í taiji og næmi fyrir orkuflæði líkamans og líkamsvitund.