Langar þig að læra grunninn að persónulegri og skapandi yogaiðkun? Virkja innri gleði og vellíðan? Róa hugann og efla einbeitingu? Auka styrk og liðleika? Njóttu þess að mæta til leiks og uppgötva áhrifamátt yogaiðkunar.

Grunnnámskeið í yogaflæði (vinyasaa) sem gefur þér

• góðan tæknilegan grunn til að mæta í opna vinyasa tíma

• skapandi grunn að persónulegri heimaiðkun

Þú lærir áhrifaríkar aðferðir til að

• efla meðvitund

• umbreyta gömlum hugsanamynstrum

• styrkja öll grunnkerfi líkamans

• hlúa að jákvæðum samskiptum í daglegu lífi

Frætt er um yogafræðin samkvæmt áttföldu leið Patanjali og hvernig þau nýtast sem landakort í jákvæðum samskiptum við sjálf okkur og aðra.

Meðvituð hreyfing, meðvituð öndun, meðvituð tengsl.

Þú lærir

• asana líkamsstöður

• vinyasa meðvitaða hreyfingu

• pranayama öndunaræfingar

• hugleiðslu

• slökun

Ásta leggur áherslu á skapandi yogaiðkun þar sem hver og einn finnur sinn takt.

Ásta Arnardóttir er eigandi Yogavin og hefur kennt yoga frá 1999. Hún er einn af stofnendum Félags um vipassana hugleiðslu og hefur kennt og leitt kyrrðarvökur á vegum félagsins frá 2011. Ásta hefur kennt yogakennaranám frá 2010 og útskrifað á annað hundrað yogakennara. Hún hefur iðkað yoga og hugleiðslu og kennt fjöldamörg námskeið í yoga, hugleiðslu og skapandi lífsstíl síðastliðin 25 ár.