Yoga kennaranám

270 tíma yoga kennaranám sem miðast við 200 tíma kröfu Yoga Allience. Námið er viðurkennt af Jógakennarafélagi Íslands og veitir aðild að JKFÍ og alþjóðleg yogakennararéttindi.

Yoga kennaranám hefst 10. ágúst 2018

Fyrri hluti: 10 dagar / kennt í Skálholtsbúðum
Seinni hluti: 6  helgar í bænum og ein helgi í Skálholtsbúðum

Yogakennaranámið er markvisst og gefandi og nýtist bæði þeim sem stefna á yogakennslu og þeim sem vilja dýpka yogaástundun og þekkingu. Námið byggir á fræðslu og iðkun, samsköpun, einstaklingsvinnu og heimaverkefnum. Lögð er áhersla á nákvæma greiningu og uppbyggingu asana, pranayama og vinyasa. Nemendur fá djúpa innsýn í yogavísindin og hvernig þau nýtast til að skapa jafnvægi og heilbrigði í daglegu lífi. Nemendur fá þjálfun í að tileinka sér kennsluefnið, lifa það og rannsaka, kenna og miðla af þekkingu sinni á faglegan og skapandi hátt.

Hvað segja nemendur um námið?

Myndir 2010 – 2015

Kennarar:
Ásta Arnardóttir yogakennari
Matthildur Þorláksdóttir náttúrulæknir ( heilpraktiker ) anatomia innri líffæra
Rakel Dögg Sigurgeirsdóttir anatomia stoðkerfisins

Ásta hefur kennt yoga síðan 1999 og stundað Vipassana hugleiðslu síðan 1997. Hún hefur sótt iðkun og fræðslu í Bretlandi, Indlandi og Bandaríkjunum og leitt fjöldamörg námskeið í yoga, skapandi starfi og heilbrigðum lífsstíl. Hún stofnaði Lótus yogasetur 2002 – 2012 og opnaði Yogavin á Grensásvegi í september 2014. Hún er einn af stofnendum Félags um vipassana hugleiðslu 2011.  Sjá nánar um Ástu

 

NÁMSLÝSING / NÁMSSKRÁ

YOGABÚÐIR 10. – 19. ÁGÚST

YOGAFRÆÐIN / TÆKNI / IÐKUN
10 dagar í Skálholtsbúðum

Námsefni:
Yamas / Niyamas
Asana
Pranayama
Pratyahara
Dharana
Dyhana
Samadhi
Yogasutrur Patanjali
Bhagavad Gita
Jnana / Bhakti / Karma
Purusha / Prakriti / Gunur
Kosha / Maya / Moksha
Chakra / Nadis / Orkufræðin
Buddha / Dharma / Sangha
Brahma Viharaaa
Vinyasa
Yin yoga
Yoga nidra

Markmið þessa áfanga er að dýpka yogaiðkunina og sannreyna áhrifamátt yogafræðanna. Dagleg iðkun djúpt vinyasa, yin yoga, yoga nidra og hugleiðsla. Fariið er ítarlega í uppbyggingu á asana og pranayama. Fjallað um áhrif æfinganna á grunnkerfi líkamans. Einnig gerð grein fyrir hvernig laga má æfingar að líkamlegu atgerfi hvers og eins. Nemendur fá námsgögn sem sýna vel uppbyggingu asana. Frætt verður um pratyhara, dharana, dyhana og samadhi.  Kenndar möntrur og kyrjun á möntrum. Fjallað um anatomiu huga og fíngerðari orkulíkamans. Frætt um orkubrautir, orkustöðvar og samskipti.   Nemendur fá innsýn í grunntækni hugleiðslu og tækifæri til að iðka hugleiðslu m.a. núvitund, vipassana og brahma vihara. Farið er í grunnþætti heilbrigðra samskipta á grundvelli Yamas/Niyamas, austrænnar og vestrænnar sálarfræði. Námið leggur áherslu á að nemandinn iðki meðvitund í hugsun, orði og verki og tileinki sér meðvitaða lífshætti sem skapa jafnvægi og efla meðvitund um augablikið, hér og nú. Farið er í grunnþætti heilsufræðanna og hvernig skapa má heilbrigði og jafnvægi með mataræði, hreyfingu og meðvituðum lífsstíl. Nemendur fá stuðning til að stunda jákvæða og heiðarlega sjálfsskoðun með daglegri iðkun yoga og hugleiðsu. Námið gefur glögga innsýn í yogaheimspekina og hvernig hún nýtist í daglegu lífi. Yogasutrur Patanjali og Bhagavad Gita eru lagðar til grundvallar og nemendur hvattir til að sannreyna markvissa leiðsögn þeirra. Lögð er áhersla á að nemendur rannsaki hvernig veruleiki yogafræðanna birtir sig hér og nú og hvernig þau nýtast til að efla núvitund, skapa jafnvægi og öðlasta meðvitund um umbreytingarkraft visku og kærleika í daglegu lífi. Jákvæð og skapandi nálgun er lögð til grundvallar og hvatt til skýrleika, umburðarlyndis, hjartagæsku og leikgleði.

Lesefni:

Handbók yogakennarans; Ásta Arnardóttir
Yoga Georg Feuerstein
The Yoga Sutras of Patanjali; Translation and commentary by Sri Swami Satchidananda
The Bhagavad Gita; Introduced and translated by Eknath Easwaran
The Spirit and Practice of Moving into Stillness eftir Erich Shiffmann
Prana and Pranayama eftir Swami Niranjanananda, Bihar School of Yoga
Yoga Sequencing; Designing transformative yoga classes eftir Mark Stephenss
The Key Muscles eftir Ray Long, MD, FRCSC
Insight Yoga eftir Sarah Powers
A path with heart eftir Jack Kornfield / Um hjartað liggur leið í þýðingu Sigurðar Skúlasonar
The power of now eftir Eckhart Tolle / Mátturinn í núinu í þýðingu Sigurðar Skúlasonar
Spiritual nutrition and the awakening of Kundalini eftir Gabriel Cousins

Umsögn nemenda um þennan áfanga:

Í Skálholti beið okkar vel og þétt skipuð dagskrá þar sem langir júnídagar voru nýttir til fulls. Flæði til mikillar fyrirmyndar, úthugsað prógram og traustvekjandi og örugg umgjörð þar sem gætt var að minnstu smáatriðum. Kennari gaf sig alla í kennsluna og miklu meira en það. Það var einstök upplifun að vera nemandi og fólst lærdómur Skálholtsdaganna ekki síst í að vera vitni að virðingu kennarans fyrir fræðunum, iðkuninni, nemendunum og náttúrunni allt um kring. Upplifun af kennslunni í Skálholtsbúðum er lærdómsríkt leiðarljós í lífinu.

Ingibjörg Valgeirsdóttir yogakennari og framkvæmdastjóri öldrunar- og heimaþjónustu Garðabæjar

 

HELGAR Í YOGAVIN

ANATOMIA STOÐKERFIS september 
Kennarar: Rakel Dögg Sigurgeirsdóttir og Ásta Arnardóttir

Stoðkerfið
Asana

Lesefni:
Ljósrit

Umsögn nemenda um þennan áfanga:

Frábær helgi og Guðrún súper kennari. Tengdi vel milli fræðanna og líkamans. Gæddi námsefnið lífi af einstakri fágun. Mjög fróð og kom þekkingunni vel frá sér og til nemandans. Æðislegt að fá að handleika beinin!

Ásgerður Gylfadóttir yogakennari og hjúkrunarfræðingur

 

ANATOMIA LÍFFÆRANNA október
Kennari Matthildur Þorláksdóttir náttúrulæknir ( heilpraktiker )

Meltingarkerfið
Ónæmiskerfið
Nýru, blaðra og hreinsikerfið
Sogæðakerfið
Hjarta- og æðakerfið
Innkirtlakerfið
Taugakerfið
Lesefni:
Ljósrit

 

 

 

SAMÞÆTTING nóvember
Kennarar: Ásta Arnardóttir

Fætur og mjaðmir
Bakfettur
Miðjustyrkur
Viðsnúnar stöður

Kennsluhelgi þar sem farið er dýpra í uppbyggingu asana í iðkun og kennslu. Samþætting á þeirri fræðslu sem undan er gengin og hvernig hún nýtist í iðkun með tilliti til nýjustu rannsókna í hreyfifræðum, anatomiu stoðkerfisins og anatomiu hugans. Markmið þessa áfanga er að öðlast meðvitund um uppbyggingu yogaiðkunar og skapandi leiðir til að losa um vanabundin og skilyrt mynstur sem birta sig líkamlega, tillfinningalega og í huganum. Lögð er áhersla á að efla forvitni og færni til að fara útfyrir þægindarammann og njóta þess að skapa nýjar aðstæður og nýja möguleika til vaxtar og þroska.

 

 

KYRRÐARVAKA nóvember
Yoga og hugleiðsluhelgi í Skálholtsbúðum
Kennari Ásta Arnardóttir
Kyrrðarvakan er haldin í þögn sem gefur tækifæri að dýpka iðkun og þekkingu.

NB ! Það er ekki skyldumæting á kyrrðarvöku og hún er ekki innifalin í verði.

 

 

KENNSLUFRÆÐI  janúar
Kennari Ásta Arnardóttir

Námsefni:
Siðfræði og traust
Öruggt og verndað umhverfi
Uppbygging yogatíma
Leiðbeiningar í og úr stöðum
Aðstoð í asana
Samskipti í yogatímanum

Kennd verða grunnstefin í kennslutækni með það að markmiði að nemendur fái glögga innsýn í siðfræði, samskipti og faglega leiðsögn. Farið í uppbyggingu yogatíma, vinyasa og skapandi nálgun í kennslu.

Lesefni:
Ljósrit

Umsögn nemenda um þennan áfanga:

Kennari býr yfir miklum styrkleika í kennslufræðum og fléttar á eftirtektarverðan hátt saman fróðleik og fjölbreyttri upplifun sem verður til þess að nemandi upplifir mjög mörg ,,aha!“ móment í náminu. Sú virðing fyrir líkamanum sem höfð er að leiðarljósi er til fyrirmyndar. Kennslufræði og kennsluaðferðir sem ég kann virkilega vel að meta.

Ingibjörg Valgeirsdóttir yogakennari og framkvæmdastjóri öldrunar- og heimaþjónustu Garðabæjar

 

ÆFINGAKENNSLA  febrúar
Kennari Ásta Arnardóttir

Markmið æfingakennslu er að nemendur tileinki sér kennslutækni og fái þjálfun í að byggja upp yogatíma, leiðbeina í og úr stöðum, aðstoða í asana, skapa verndað umhverfi og miðla af sinni þekkingu á jákvæðan og uppbyggilegan hátt.

 

ÆFINGAKENNSLA  mars
Kennari Ásta Arnardóttir

Markmið æfingakennslu er að nemendur tileinki sér kennslutækni og fái þjálfun í að byggja upp yogatíma, leiðbeina í og úr stöðum, aðstoða í asana, skapa verndað umhverfi og miðla af sinni þekkingu á jákvæðan og uppbyggilegan hátt.

Umsögn nemenda um þennan áfanga:

Alveg ótrúlega flottur endapunktur á náminu. Hellings lærdómur fór þar fram sama í hvaða hlutverki maður var.

Hrafnhildur Sævarsdóttir yogakennari og íþrótta og sundkennari Sjálandsskóla

 

ALMENNIR YOGATÍMAR 20 tímar lágmark
Náminu fylgir opið kort í Yogavin á meðan á náminu stendur

 

ÚTSKRIFT 16. mars

 

EINKATÍMAR
2 einkatímar – auk þess aðstoð eftir þörfum

 

HEIMAVERKEFNI

Heimaverkefni anatomia stoðkerfis, lesefni The Key Muscles eftir Ray Long, MD, FRCSC / skil 7. okt

Heimapróf í anatomiu innri líffæra, lesefni ljósrit / skil 3. nóv

Ritgerð (1500 – 2000 orð) um áttföldu leiðina útfrá yogasutrum Patanjali, lesefni The Yoga Sutras of Patanjali; Translation and commentary by Sri Swami Satchidananda / skil 15. des

Byrjendanámskeið í yoga (hópverkefni 4 í hóp), lesefni Yoga Sequencing; Designing transformative yoga classes eftir Mark Stephens / skil 10. mars

Hugleiðing um daglega iðkun yoga og hugleiðslu (500 – 1000 orð) / skil 10. mars

Dagleg iðkun yoga og hugleiðslu á meðan á náminu stendur

Undirbúningur fyrir einkatíma og æfingakennslu, lesefni Handbók yogakennarans eftir Ástu Arnardóttur, The Key Muscles eftir Ray Long, MD, FRCSC, The Spirit and Practice of Moving into Stillness eftir Erich Shiffmann, Prana and Pranayama by Swami Niranjanananda, Bihar School of Yoga, Yoga Sequencing; Designing transformative yoga classes eftir Mark Stephenss

 

MYNDIR YKN 2010 – 2016

Hvað segja nemendur um námið?

 

Skráning og nánari upplýsingar

yoga@yogavin.is

sími: 8626098

 A4_yogavin_24.03.16

Yogavin // Grensásvegi 16, 108 Reykjavík // yoga@yogavin.is // sími 8626098

Share This