Kennarar

 

Ásta Arnardóttir

IMG_1837_3

Ásta kennir yoga, yoga núvitund, yoga nidra, yogakennaranám, hugleiðslu og ýmis sérhönnuð námskeið. Hún er menntuð leikkona, leiðsögukona og yogakennari. Hún hefur kennt yoga síðan 1999 var einn af stofnendum Lótus yogasetur 2002 – 2012 og opnaði Yogavin haustið 2014.  Hún lauk yogakennaraprófi RYS 200 frá Kripalu Center for Yoga and Health 1999 og hefur sótt fræðslu og iðkað yoga og hugleiðslu í Bandaríkjunum, Englandi og Indlandi. Meðal kennaranámskeiða sem hún hefur sótt er Total Yoga Nidra Teacher Training hjá Uma og Nirlipta Tuli Yogavin 2014, Yin Yoga kennarnám hjá Sarah Powers vorið 2013 og Vinyasa með Julie Martin vorið 2012, 300 RYS Brahmaniyoga  Level II Teacher Training 2016. Ásta hefur stundað  vipassana hugleiðslu frá 1997 m.a.  á kyrrðarvökum í Gaia House  og Spirit Rock Meditation Center og IMS en þar tók hún þátt í 3 mánaðar kyrrðarvöku haustið 2013. Hún er stofnfélagi Félags um vipassana hugleiðslu, situr í stjórn félagsins og hefur haldið kyrrðarvökur á þess vegum frá 2010. Hún hefur sótt ýmis námskeið í heilbrigðum lífsstíl og dansi m.a. á Ann Wigmore Health Institude í Puerto Rico og 5 Rythma námskeið með Alain Allard og Jonathan Horan. Hún hefur frá 2002 skipulagt ferðir um miðhálendið, Augnabliksferðir, þar sem boðið er uppá yoga í fjallasal og var tilnefnd til Náttúru og umhverfisverðlauna Norðurlandaráðs 2009.  Ásta hefur haldið fjöldamörg námskeið í leiklist, yoga og skapandi lífsstíl.  Sjá nánar um Ástu.

 

Agnes Þórhallsdóttir

Agnes kennir rólegt yoga 60+ með áherslu á meðvitaða öndun og yogaiðkun sem hentar vel eldra fólki og þeim sem vilja rólegan rytma og góða slökun. Hún lauk 240 tíma yogakennaranámi hjá Ástu Arnardóttur í Yogavin 2015. Hún hefur stundað hugleiðslu frá 1997 m.a. hjá Kærleikssetrinu en þar leiddi hún bænahringi og hugleiðsluhópa um 12 ára skeið. Agnes hefur sótt kyrrðarvökur bæði hér innanlands og utan m.a. hjá Félagi um vipassana hugleiðslu og hjá Mooji í Zmar. Agnes hefur unnið við bókhald í 20 ár á sama vinnustað, er mikil náttúrumanneskja og elskar að ganga úti í náttúrunni og sækir þangað kraft og innri frið.

 

 

Andrea Vilhjálmsdóttir

DSC_1981

Andrea kennir krakkayoga leiksmiðju sumarið 2018. Hún hefur kennt krökkum á ýmsum aldri yoga og leiklist. Árið 2010 lauk hún 240 tíma yogakennaranámi hjá Ástu Arnardóttur í Yogavin og í framhaldinu sótti hún kennaranámskeið í krakkayoga hjá Gurudass Kaur Kalsa árið 2011. Andrea starfaði um tíma á Sælukoti, leikskóla Ananda Marga Jóga á Íslandi og kenndi þar eins til tveggja ára gömlum börnum. Hún hefur einnig starfað hjá Möguleikhúsinu í listsmiðju fyrir 7-12 ára og leitt námskeið fyrir börn á aldrinum 4-12 ára í Yogavin. Andrea er með BA frá Sviðhöfundabraut Listaháskóla Íslands og BA í Þjóðfræði frá Háskóla Íslands. Hún hefur stundað yoga og hugleiðslu frá árinu 2008 og er í stjórn Félags um vipassana hugleiðslu , hefur setið nokkrar styttri kyrrðarvökur á vegum félagsins og var umsjónarmaður kyrrðarvöku með Sharda Rogell 2015. Árið 2012 lagði hún ástundun á fjarnám í theravada buddhiskri hugleiðslu og sat sjö daga kyrrðarvöku með kennurunum Kittisaro og Thanissara á Gaia House á Englandi.

 

Áróra Helgadóttir

20160824_164624Áróra kennir morguntíma 6.30, hádegistíma og námskeiðið hress hryggjarsúlaHún leggur áherslu á að skapa rými fyrir hvern og einn til að hlusta inn á við, auka líkamsvitund og finna frelsi í iðkuninni með forvitni og leikgleði að leiðarljósi. Áróra lauk yogakennaranámi í Yogavin í mars 2016 og framhaldsnámi í desember sama ár hjá Julie Martin og Emil Wendell  á Indlandi, 300 RYS Brahmani yoga Level II Teacher Training. Áróra er menntaður heilbrigðisverkfræðingur og hefur mikinn áhuga á virkni líkamans. Hún er stöðugt að læra og uppgötva eitthvað nýtt um líkamann og  aðhyllist heildræna nálgun til að stuðla að heilbrigði, líkamlegu og andlegu. Áróra hefur kennt yoga í Yogavin frá útskrift og þróaði námskeiðið Hress hryggjarsúla, þar sem hún byggir á eigin reynslu við þrálátum bakverkjum. Sjá umsagnir nemenda. Áróra hefur iðkað Vipassana hugleiðslu frá 2015 og hefur farið á nokkrar kyrrðarvökur hérlendis, 2-5 daga langar, og 2 vikna Silent retreat með Christopher Titmuss og Zohar Lavie á Indlandi.

 

Hrafnhildur Sævarsdóttir

IMG_3281

Hrafnhildur kennir djúpt vinyasa og yoga 16 – 19 ára. Hún er íþróttakennari og hefur stundað yoga frá 1999.  Hún lauk 240 tíma yogakennaranámi hjá Ástu Arnardóttur í Yogavin árið 2016 og hefur kennt í Yogavin frá 2016. Hún hefur tekið þátt í yoganámskeiðum m.a hjá Lukas Rockwood stofnanda Absaloute Yoga Academy, kennaraþjálfun með áherslu á byrjendur hjá Julie Martin Brahmaniyoga og  lauk MBSR námskeiði í núvitund hjá Ásdísi Olsen árið 2016. Hún hefur kennt 1.-10. bekk sund og unglingum yoga í Sjálandsskóla í Garðabæ og stundar nú nám í Jákvæðri sálfræði við Háskóla Íslands. Hrafnhildur er verkefnastjóri yfir þróunarverkefninu Yoga, hugleiðsla og slökun í kennslu sem unnið er í Sjálandsskóla.  Hún hefur óbilandi áhuga á að rækta huga og líkama.

 

Sigríður Thorsteinsson

mynd_sirry

Sirrí kennir yoga og yoga nidra. Hún hefur starfað sem grunnskólakennari frá 1985, vinnur að vottun í markþjálfun, er hláturyogaleiðbeinandi, lauk 240 tíma yogakennaranámi hjá Ástu Arnardóttur Yogavin 2010, kennaraþjálfun Total Yoga Nidra Teacher Training hjá Uma og Nirlipta Tuli Yogavin 2014 og kennaraþjálfun fyrir byrjendur hjá Julie Martin Brahmaniyoga. Hún hefur góða reynslu af að kenna unglingum yoga og yoga nidra bæði í grunnskólum og framhaldsskólum. Hún hefur kennt yoga og yoga nidra í Yogavin frá 2015 m.a. hin vinsælu kvöldnámskeið yoga nidra. Hún er eldheitur yogaiðkandi og hefur mikla trú á gildi yoga og yoga nidra fyrir unglinga í glímu sinni við margbreytileika unglingsáranna. Hún leggur mikið upp úr einstaklingsmiðaðri nálgun í yogatímum sínum og mætir hverjum og einum þar sem hann er staddur.

 

Snæbjörg Sigurgeirsdóttir

Snæja kennir yoga nidra. Hún er adjunkt í sviðslistadeild Listaháskóla Íslands og hefur kennt raddþjálfun þar í tvo áratugi. Hún lauk yogakennaranámi hjá Ástu Arnardóttur 2011 og  Total Yoga Nidra Teacher Training hjá Uma og Nirlipta Tuli Yogavin 2014.lh

 

 

 

Þóra Sigríður Ingólfsdóttir

Mynd AA-2

Þóra kennir yoga núvitund, yin yoga og ýmis námskeið. Hún hefur stundað yoga sér til heilsubótar í mörg ár og lauk 240 tíma yogakennaranámi hjá Ástu Arnardóttur í Yogavin 2015 og Yin Yoga námskeiði hjá Ástu í Yogavin 2014. Hún er með meistarapróf í bókmenntum og hefur undanfarin ár lagt stund á stjórnsýslufræði. Þóra hefur kennt í Yogavin frá 2015 og leiðir fjölbreytta og áhrifaríka tíma þar sem hver og einn fær notið sín til fulls. Hún hefur kennt og þróað námskeið í Yogavin m.a.  Brilljant Breytingaskeið og Yoga 60+ fyrir fólk á besta aldri. Hún starfaði við bókaútgáfu um tuttugu ára skeið en síðastliðin átta ár hefur hún starfað sem forstöðumaður hjá hinu opinbera. Hún kennir yoga við hvert tækifæri og stefnir á frekara nám.


 

 

 

 

 

Yogavin // Grensásvegi 16, 108 Reykjavík // yoga@yogavin.is // sími 8626098

Share This